馬多夫與倪震

我諗呢兩位人兄都可以話係近期hit爆既topic ............當然"電訊魔童"都係,但當然冇馬多夫與倪震咁勁.

馬多夫與倪震看似毫無關係....一個係dow Jones之父,本來投資界對佢趨之若鶩,但原來佢之不過係run緊一個有如種金般低"莊"既騙局,受害人有知名人仕,基金經理,瑞士大部分既銀行,甚至連風險管理一流既HSBC都中招.....
另一個係倪匡個仔...人稱才子(唔知佢邊度有才氣,搞"YES"...所以才子之子罷了),本來很中年男仕(年少時係周慧敏fans)對佢十分羨慕及妒忌,但原來佢竟然犯左一個如"陳健康"般低"莊"既錯誤(偷食被發現),受害人有周慧敏,同樣香港所有年過30既女士通通立即感覺列危機四伏(連擁有童顏既周慧敏都未能約束倪震).....
兩位人兄某程度上只係一個騙子(雖然我唔覺倪震係).....而佢地既分別係傳媒既取態同有冇人想呢單野高調搞...............
馬多夫呢條友帶來既影響唔會比雷曼事件低,可能大家見到環球股市都十分風平浪靜.冇之前雷曼跌到hell咁...誤以為是小事一椿.....而傳媒只係用好少既篇幅講呢單野...........好明顯係有有形之手做緊野....原因係之前雷曼單野一爆出來,傳媒大事佈導,人心惶惶,環球股市大跌....消費信心跌至谷底...到近來christmas消費信心先慢慢返來(當然商界既擘價promotion都功不可沒),如果連呢個傳統既消費節日都冇消費....可以話死硬.......所以我估有有形之手做緊野....
另一邊廂.......倪震呢單野其實只不過係小事.....我諗日日都會發生,唔同既係其他既主角唔係明星或男女身份對調(女士有新歡)....傳媒十分高調佈導.....除了因為香港人比較八(特別係人地既感情事),我覺得重有一個原因......好多傳媒雜誌既高層或編輯都大部分係中年男仕(年少時係周慧敏fans)....佢地覺得你條友當年搶走我既vivian(至少佢地覺得係搶) ,而家竟然咁唔珍惜....偷食唔抹咀.....一定要寫衰你.............
當然倪震呢單野都可能係有形之手想用倪震去為馬多夫騙案做cover.............

講開偷食抹咀既問題......其實涉及交流成本(transaction cost) 同資訊成本(information cost)....有機會再講.

緣份鈔票???

0係未有貨幣之前.....人與人之間係點交易嫁呢???
冇錯.....用貨換貨....但以物易物有一個問題.....就係冇一個common unit,交易既成功好取決於有冇一個對你手上貨品有需求既買家
即係話比如我係個牧羊人....我既財產淨係得羊......而我今日想食雞.........我必需搵到另一個想要羊同埋要有幾隻雞既人(我冇可能會用一隻羊去換一隻雞,除非我好想好想食雞)....交易先會成功.....要0係個market 到搵到另一方....某情度其實需要"緣份" (coincidence of wants).....就係因為尋找"緣份"涉及太多既成本......貨幣就產生左去解決coincidence of wants呢個問題...........

同樣,愛情其實都係好講"緣份".........什麼緣訂今生/宿世姻緣/三世情緣......無論D人去塔羅定睇相都係問姻緣..........緣份呢樣就好似永遠係自己控制唔到既一個factor...........
比如我想搵個三從四德同樣貌四正既女朋友(A)....必需另外有個咁樣條件既女士而又對我既advantage/disadvantage(冇錯係disadvantage,男人唔壞女人唔愛..哈哈)有demand ........交易都未必會成功.....係因為我地未遇上............
要搵到呢位女士會涉及很高既交易成本(例如怒去玩matching ,登報紙,上電視或者等)
而係呢個情況下(constraint),我就降低要求去0係身邊尋找,可能會搵到另一個又係 降低要求去0係身邊尋找既女士(B).....兩者一拍即合........但係唔代表我會停止尋找原本三從四德同樣貌四正既果個女士(A),女方亦然.
而我同女士(B)既感情會完結,當我搵到女士(A)或條件近似女士(A),當然都有可能係女士(B)搵到佢真正既另一半.......
呢個解釋到點解世界咁多個離離合合.................
如果世界有緣份鈔票.............就可以解決以上既問題.......世界就唔會有咁多不愉快....因為一切都唔洗講緣份........所有人都係情投意合..........
如果有人發明到緣份鈔票...........佢一定可以攞諾貝爾獎..........
但係如果真係有緣份鈔票..........愛情重會唔會咁甜酸苦辣呢???
冇錯....我的確好無聊................

我的志願

每個人細個都會寫過呢個topic ....你記唔記得自己當時既志願係D咩???
一般model answer 都會係醫生/護士,律師,建築師,警察,老師...當然都會有人既志願係..香港小姐同做明星...............

一般寫"我的志願" 既其實年紀都係好細........有幾多個真係明白以上既職業係做D咩(我諗除左老師之外)....我地之所以有咁既"志願",都係父母對子女既期望下所形成"志願".......
有D係感情曲線投射 (自己做唔到,希望子女可以做到)
或可能只係想望子成龍.............而一般"志願"都係D穩定既工作.........
有幾多"志願"最終會變成其中一份職業.............
我記得自己的志願係做警察............而令我有呢種"志願"既人係梁朝偉.............冇錯就係"新紮師兄"..........
警察---0係我細個果時真係一份幾受尊重既職業.......或可能資訊冇而家咁發達..醜事冇咁易傳千里
而家警察都穩定........但尊重............大榭一定有枯枝....SDU打人,強姦,以權謀私(好似查身份証溝女或用當市民database係yahoo 友緣人等)好多.............
好多人話係質素下降...要提高入職門檻或定期做品格test............

而我覺得唯一方法..............警察投訴科要獨立出來......自己人查自己人......就好似之前未成立"ICAC"...都係自己人查自己人.....最後貪埋

如果警察投訴科獨立出來......
查辦既速度會倍增(而家要大約1年至少)/
logic係查辦快左-->查辦結果快D有--->市民就會善用呢個渠道,唔再死忍-->多人用,D警察就會約束自己既行為(因為而家自己人查自己人....驚都未驚過)........

咁警察就會再受尊重....................

我的知己在街頭

這個blog 叫 ed music ed life ..........所以唔可以淨係得D無聊stuff

我好鍾意呢首歌既旋律

0係beyond "請將手放開" album既 "我的知己在街頭"

嘗試彈下..........

因為BLOGGER 唔Q比UPLOAD 音樂file ....所以我只好將佢整成vedio...但又知整咩好....所以....唔好理visual

熟悉的陌生人

你最近好嗎?
我一直以為i know u so much .........但點解最近從朋友所聽到你的近況---現在的你是這麼陌生.....
究竟係你0係哩幾個月既轉變,定係現在先至係真實的你.......抑或係現在這個陌生的你只係我自己既一幻想.......目的係去忘掉熟悉的你............

"來年陌生的是昨日最親的某某
總好於那日我沒有沒有遇過某某"

熟悉的陌生人---並唔矛盾....
只係時間既差別0係同一人既身上

7年之癢

聲明:此文章純粹以經濟(law of demand) 既角度去解釋.

經濟學其實就係一種解釋人類行為既科學,不竟理論係要經過不同世事既驗證.

當一對男女相處既時間愈長,佢地既愛情會轉淡........即係由愛情轉為感情

因為佢地面對既需求曲線係向下斜,即係話每個額外增加既年期(marginal unit),額外既開心程度(marginal utility) 一定減少. 頭既一兩年係蜜月期.....所有事都係快樂....因為0係第一二個unit 額外既開心程度一定係比較高........
所以點解有樣叫"7年之癢 ,可能一般人既需求曲線到左第7年....額外既開心程度(marginal utility)已經係零或者係負數(下圖)........

如果係咁點解有人可以白頭到老呢...........會唔會係因為佢地既需求曲線斜度既問題(slope) ,但如果用咁既假設 ,that 's too general, no testable implication can be derived. 所以我會用其他假設去解釋.
首先我會假設所有人或情侶既需求曲線係完全一樣,都係第4個年期,額外既開心程度都係零.
而每段感情既長短完全取決於整條需求曲線向外或向內既移動.
而有D咩會影響需求曲線向外或向內, 例如情侶本身既基本因素有轉變,第三者,父母親朋等因素.

舉例,有對情侶拍拖一個月就分手,有可能係個女仔知道個男仔原來當日"溝"佢架Benz S class原來唔係佢或男仔個阿爸,佢只不過係一個車房仔揸左客人架車去威 or 個男仔得左手後發現原來36 24 36既身材 同angelbaby 既面貌係wonder bra 同 Cosmetic 所合作既天仙局 ....0係呢個情況下需求曲線會向內移........原本第4個年期先到零....但而家一個月已經係零.

有D咩方法會令需求曲線向外移---就好似有BB,整容,纖體,中左6合彩,事業創業成功,身材突然豐滿呢D都會令需求曲線dramestic 咁向外移.(上圖)
當然心意同浪漫手段等都會令需求曲線向外移,但當然movement冇咁dramestic.

另外代替品出現都會影響需求曲線,但係用呢個方法會有D危險.....
合適既代替品可以令情侶因有沖擊或試過出面既新野令需求曲線向外移......
但如果代替品本身太好既話整段感情就會被代替......so有D危險
所以係呢度想同D長期做緊第三者既人講......你地只係一個令需求曲線向外移既因素.......如果佢地真係鍾意..........你已經成為代替品...

正一賤男???

有時會聽到身邊既女性朋友講....呢條友正一賤男. 而佢地之所以話呢位男士係一個賤男....係因為呢位男士識左個新女仔,而拋棄左舊愛....女性朋友既評語係始亂終棄,貪新忘舊.................................
同時間有個女性朋友結交左新男朋友......佢既身邊已經唔係我地見慣既男士...............而朋友對呢位女性朋友既祝福係.......佢終於搵到個好男仔,唔洗再同之前果個一齊..........."始亂終棄,貪新忘舊"呢d評語一定唔會見到..............
呢d就係兩性既不對等...........
當然女性有時都好無奈...就好似......."滾" OR "尋花問柳"....女性永遠唔可以...........而男性做呢d野....就會話"最緊要識回家".....男人可以性同愛分開等藉口............
但係10個有8個出去玩既男人都會沉船..........同朵花或枝柳發生單向既感情...........一個30-40歲頭頂脫髮同仿似身懷六甲既身型既男士..........相信會有一個如同ANGELABABY 既少女真心相愛.........而呢段感情係同佢銀包既錢或財產係mutually exclusive..........
又或者一個電車男外表又超級大男人既無業青年會相信有一個如stephy 既女孩會係短短幾小時既相處會真誠地愛上佢..............
男人有時真係好低B............

愛情methodology

methodology
點樣先係一個好既(有用)理論,果時讀過係話
1.作出合適既假設,而理論可以經歷不同驗証
2.有用既理論係有機會被推翻,而尚未被推翻

愛情methodology
點樣先算係一個好既情人.....女既可能係美貌與智慧並重....又或者可能你入得廚房出得廳堂....三從四德...........
kam男呢........才華?上進?靚仔?有型?...........定係有錢........
no matter 男定女佢地既答案都可能會係話對自己好.......
對自己好又可以解讀為要對情人同其他人唔同......即係專一.....
但係咩叫專一............冇外遇?但係冇外遇究竟係不為定不能
如果專一係唯一既準則.........kam 條件最差既人一定最搶手........
所以好既情人.....係有機會有外遇,而尚未有外遇...............
你遇到未??...........